|
iraqiiiiii -> from abbas chechan (8/18/2007 11:13:04 PM)
|
طويلة هواي يا خوية المسافات
وانا مسافر غريب بلاية جنطة
انا حاير وادور بالمحطات
ولا خلٍ لكيتة بكل محطة
انا المنبوذ ما بين الحضارات
وحضارتنة صفت بالسوق ورطة
ولا جن بابل وذيج العمارات
واضن اور وحضر يفلان غلطة
غركني زماني بنص محيطات
وعليش تجمل الغركان غطة
زماني مسودن و شايلي فالات
يبيعلي نخال و يراويني حنطة
الوذن بالصمت وانسى العبارات
وخيعونة الـ يعيش سنينة سنطه
ماهمني ان كلت والـ كال كلمات
انا الماي الزلال شما تخبطة
ومن كثر ما بية خوف من الحكومات
صرت اشوف الناس كل الناس شرطة.
|
|
|
|